تخارييفعمرو مدحت
يرحب بكم
| ► | سبتمبر 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | ||
سلم عمرك نازل
.... نازل
..... نازل
والشعرات البيضا ف رأسك
غزلت كفنك
شادوف الوقت بيغرف زمنك
وأنت مكتف جوا ضلوعك
طاقة نور علي آخر شوفك
شوقك توصل ... فارد قلبك
بس الريح إعصار ف جناحك
بتبص لروحك
وأنت بتلبس موتك غصبن عنك
دا لإنك
استسلمت بسرعة ليأسك
...
شفت امبارح رافض ييجي
شفت ثواني العمر بترمح
خلف الشمس
عقارب الساعة بتلسع ضهر وجودك
كنت بتصحي .. تفرك عينك
ينزل حلم الليل ع الفوطة
تغسل وشك من أنوار الفجر الساطع
صوت "الحصري" بيبدأ يومك
واحد من سوهاج
أغسطس 18th, 2009 كتبها عمرو مدحت نشر في , موسيقي,
———————————————
اهلا رمضان
قال رسول الله
صلي الله عليه وسلم
الا ان لكم في ايام دهركم لنفحات
الا فتعرضوا لها عسي ان تصيب احدكم نفحة فلا يشقي
بعدها ابدا
صدق رسول الله صلي الله عليه وسلم
اخي الكريم ….. اختي الكريمة
كل عام وانتم بخير
بعد ساعات يقبل علينا ضيف كريم … فهل اعددتم
لاستقباله ؟؟
لقد كان الصحابة رضوان الله عليهم يدعون المولي جل وعلي
ان يبلغهم رمضان …. وهم من هم …طمعا في الثواب الجزيل
يوليو 6th, 2009 كتبها عمرو مدحت نشر في , موسيقي,
———————————————
السؤال الصعب
سيبتيني ومشيتي
طيب وايه يعني
مانت ياما قبل كدة
سيبتيني ومشييتي
شوية كدة ولما تروقي
حلاقيكي بتليني
لما العيون تتلاقي
لما نتعاتب وابص في عنيكي
واحلفلك وحشتيني
تفتكر ؟ ؟ ؟
بحاول المرة دي
اطمن نفسي بس مش عارف
خايف ومتردد اروح لك
احسن تصديني
مايو 30th, 2009 كتبها عمرو مدحت نشر في , موسيقي,
واتفرج يا سلام
ع الميزانية التمام
في بلدنا الغندورة
واتامل ياسلام
عشرين مليار واثنين
مصاريف غير مذكورة
امال الصحة بكام ؟
تعليم اولادنا بكام ؟
والناس المحشورة
طب غير مذكورة ازاي ؟
مطلوب نفهمها ازاي ؟
والله دي فزورة
والنكتة يقولوا منين؟
حانجيب علاوتكوا منين ؟
مايو 20th, 2009 كتبها عمرو مدحت نشر في , موسيقي,
———————————————
المدرسة
مدرستي يابا بايظة واخر مهيصة -
عيال رايحة وجاية بدماغ مهيسة -
طابور طويل وماشي تقولش مكنسة -
من غير هدف بندرس م الصبح للمسا -
وكل يوم يقولوا حاتبقي كويسة -
ازاي ؟ ياريت تقولي وليك ملبسة -
أبريل 2nd, 2009 كتبها عمرو مدحت نشر في , موسيقي,
———————————————
معقولة !!!
معقولة يامصر ابنك يعيش
علي ارضك ورزقه يوم بيوم
مافيش خزين ف البيوت
ولا حتي البصل والثوم
وانت اللي كان الخير حداكي
الناس بيحسبوه بالكوم
راح فين يامصر العز والخير
علي مين بس اجيب اللوم
علي فلاح هجر ارضه ولما
يسمع اذان الظهر يقوم م النوم
علي مصنع باعوه خردةللخواجة
والسماسرة قبضوا المعلوم
مارس 25th, 2009 كتبها عمرو مدحت نشر في , موسيقي,
البلد دي صحيح بلدنا ؟
واللا احنا مأجرينها م الحكومة
ايجار جديد !!
والايجار غالي علينا
كل يوم عمال يزيد
الماهيه بيدو هالنا
ثاني يوم هل من مزيد
السكك مليانة عسكر
كل خطوة كمين يكيد
يسألك علي فين وليه
اشتباه … حطه ف حديد
لما بنتك ولا ابنك دخلوهم
مدرسة … والبيت بعيد
رحت بسلامتك تحول
مارس 8th, 2009 كتبها عمرو مدحت نشر في , غير مصنف, موسيقي,
انا مش مصدق قسوتك
ييجي علينا يوم
وانادي عليكي ماترديش
فين الحنين واللهفة والشوق
عاوزة تفهميني انهم يعني
خلاص ؟ مافيش ؟
بزمتك ….ماوحشتكيش ؟
اللي اعرفه ….
ان الهوي ما بيتنسيش
ولا الي بينا كان سراب .
ووهم مش قادر يعيش
من ناحيتي مشتاق قوي
مارس 13th, 2008 كتبها عمرو مدحت نشر في , موسيقي,
كانت الاحوال ميسورة قليلا قبل ان يأتينا ذاك النحيل
اصبحت جيوبنا نظيفة لامعة بعد ان سلبنا ذاك القليل
امست بلادي قاعا صفصفا ينعيه من رأي وادينا الجميل
صارت حياتنا جحيما مستعرا فهل الي خروج من سبيل
وما برح السوط يلهب ظهرا ظن جلاده راحما للعليل
